ఢిల్లీ క్రైమ్ బ్రాంచ్ నకిలీ రూ. 20 నాణేలను తయారు చేసి సరఫరా చేస్తున్న అంతరాష్ట్ర ముఠాను పట్టుకుంది. ముండ్కా ఇండస్ట్రియల్ ఏరియాలో పరాస్ జైన్‌ను 5,000 నకిలీ నాణేలతో అరెస్ట్ చేయగా, దర్యాప్తులో సోనిపట్‌లో ఈ యూనిట్ నిర్వహిస్తున్న ఉప్కార్ లూథ్రా అలియాస్ అభయ్ ప్రతాప్ సింగ్ పేరు బయటపడింది. పోలీసులు అతడితో పాటు అనురాగ్ పాల్, జనార్దన్ కుమార్ చౌరాసియాను కూడా అరెస్ట్ చేశారు. సుమారు లక్ష రూపాయల విలువైన నకిలీ నాణేలను స్వాధీనం చేసుకుని, ప్రస్తుతం ఈ ముఠా నెట్‌వర్క్‌పై మరింత దర్యాప్తు చేస్తున్నారు.