ధర్పల్లిలో ఇందిరమ్మ ఇళ్ల లబ్ధిదారుల వివరాల క్షేత్రస్థాయి పరిశీలన
నిజామాబాద్ జిల్లా ధర్పల్లి మండలంలోని రామడుగు గ్రామ పంచాయతీలో శుక్రవారం ఎంపీడీవో బి. మారుతి పర్యటించారు. ఇందిరమ్మ ఇళ్ల పథకం రెండో విడతలో భాగంగా దరఖాస్తు చేసుకున్న లబ్ధిదారుల వివరాలను ఆయన క్షేత్రస్థాయిలో పరిశీలించారు. అర్హులైన పేద కుటుంబాలకు ఇళ్లు మంజూరు చేసేందుకు ప్రభుత్వం చేపట్టిన ధ్రువీకరణ ప్రక్రియలో భాగంగా ఈ తనిఖీలు నిర్వహించారు. నిబంధనల ప్రకారం అర్హులను గుర్తించి, వారికి ప్రభుత్వ పథకం అందేలా అధికారులు చర్యలు చేపడుతున్నారు.
