శవాలు దొరక్క.. గడ్డి బొమ్మలకు దహన సంస్కారాలు

నేపాల్‌లోని భోటేకోశీ వరదల్లో గల్లంతైన 26 మంది యాత్రికుల మృతదేహాలు లభించకపోవడంతో, వారి బంధువులు దర్భలతో (గడ్డి) ప్రతీకాత్మక మానవ ఆకారాలను తయారుచేసి అంత్యక్రియలు నిర్వహిస్తున్నారు. ఆగస్టు 10న నౌఖోర్ నుంచి గోసాయింకుండ పుణ్యక్షేత్రానికి వెళ్తున్న వాహనం వరద ఉధృతికి కొట్టుకుపోవడంతో ఈ విషాదం చోటుచేసుకుంది. ఆచూకీ లభించకపోవడంతో, స్థానిక పురోహితుల సూచన మేరకు గడ్డితో బొమ్మలు తయారు చేసి, వాటికి బార్లీ పిండిని పూసి శవాలుగా భావించి వేదమంత్రాల మధ్య దహన సంస్కారాలు జరుపుతున్నారు.