రూ. 458 పెన్సిల్ బాక్స్ ఆర్డర్ చేస్తే.. రూ. 5.24 లక్షలు మాయం!

హైదరాబాద్ టోలిచౌకీకి చెందిన 66 ఏళ్ల మహిళ ఫేస్‌బుక్‌లో ప్రకటన చూసి రూ. 458 పెట్టి రెండు పెన్సిల్ బాక్సులు ఆర్డర్ చేసింది. డెలివరీ ఆలస్యం కావడంతో కస్టమర్ కేర్‌ను సంప్రదించగా.. వాట్సప్‌లో పంపిన 'APK ఫైల్' డౌన్‌లోడ్ చేయించి రూ. 5 చెల్లించమన్నారు. ఆ తర్వాత మరుసటి రోజే ఆమె కెనరా బ్యాంక్ ఖాతా నుండి రూ. 5,24,102 మాయమయ్యాయి. బాధితురాలి ఫిర్యాదుతో బషీర్‌బాగ్ సైబర్ క్రైమ్ పోలీసులు దర్యాప్తు చేస్తున్నారు. ఈ నెల 29న సైబర్ క్రైమ్ పోలీసులకు ఫిర్యాదు చేయగా, వారు దర్యాప్తు చేపట్టారు.