ఫ్రాన్స్‌లోని లిమోజెస్ నగరంలో జీవన వ్యయాల పెరుగుదలకు నిరసనగా జరిగిన ఆందోళనలు హింసాత్మక రూపం దాల్చాయి. ఆందోళనకారులు 1883 నాటి చారిత్రక టౌన్‌హాల్ భవనంలోకి ప్రవేశించి నిప్పు పెట్టారు. ఈ ఘటనలో భవనపు పైకప్పు, బెల్ టవర్ కూలిపోగా, ముఖభాగం భారీగా ధ్వంసమైందని అధికారులు తెలిపారు. ప్రపంచ యుద్ధాలను తట్టుకుని నిలిచిన ఈ కట్టడం కాలిపోవడం తీరని నష్టమని పేర్కొన్నారు. అదృష్టవశాత్తూ భవనంలోని సిబ్బంది, పోలీసులు సురక్షితంగా బయటపడ్డారు. ఇతర ప్రాంతాల్లోనూ ఘర్షణలు, దోపిడీలు జరిగినట్లు వార్తలు వచ్చాయి.