‘రామాయణ’ ఫస్ట్ పార్ట్‌ టైటిల్‌ పోస్టర్‌ విడుదల

ఎంతో ఆసక్తిగా ఎదురుచూస్తున్న ‘రామాయణ’ సినిమా ఫస్ట్‌ పార్ట్‌ టైటిల్‌ను మేకర్స్‌ అధికారికంగా ప్రకటించారు. హీరో రణ్‌బీర్‌ కపూర్‌ పుట్టినరోజు సందర్భంగా కొత్త పోస్టర్‌ను విడుదల చేస్తూ.. మొదటి భాగానికి ‘రామాయణ: రైజ్‌ ఆఫ్‌ ఏ లెజెండ్‌’ అనే టైటిల్‌ను ఖరారు చేశారు. నితీశ్‌ తివారీ దర్శకత్వంలో నమిత్‌ మల్హోత్రా నిర్మిస్తున్న ఈ చిత్రం రెండు భాగాలుగా తెరకెక్కుతోంది. రణ్‌బీర్‌ కపూర్‌ రాముడిగా, సాయిపల్లవి సీతగా, యశ్‌ రావణుడిగా నటిస్తున్నారు. అత్యున్నత 3డీ, ఐమ్యాక్స్‌ ఫార్మాట్లలో రూపొందుతున్న ఈ సినిమా ఫస్ట్‌ పార్ట్‌ దీపావళికి విడుదల కానుంది.