40 ఏళ్ల తర్వాత మళ్లీ కనిపించిన అరుదైన చేప

నాలుగు దశాబ్దాలుగా కనిపించకుండా పోయిన అరుదైన స్పినాక్ పైప్‌ఫిష్ చేపలు తాజాగా పపువా న్యూగినియాలోని సెపిక్ నదిలో ప్రత్యక్షమయ్యాయి. 1985లో చివరిసారిగా కనిపించిన ఈ చేపలను స్థానిక మహిళ హెలెన్ అసు రొయ్యల వేటలో తన వలతో పట్టుకుంది. పరిశోధకులు వీటిని స్పినాక్ పైప్‌ఫిష్‌గా ధృవీకరించారు. సముద్ర గుర్రాల జాతికి చెందిన ఈ చేపలు సన్నని శరీరం, పొడవాటి ముట్టెతో విభిన్నంగా ఉంటాయి. మగ చేపలు తమ కడుపులోని సంచిలో పిల్లలను మోయడం వీటి ప్రత్యేకత. పరిశోధకులు ఇప్పుడు వీటి జీవనశైలిపై అధ్యయనం చేయనున్నారు.