మసూద్‌ అజర్‌పై రివార్డు పెంపు

జైషే మహమ్మద్ (జేఈఎం) ఉగ్రసంస్థ వ్యవస్థాపకుడు మసూద్ అజర్‌పై పాకిస్థాన్ రివార్డును రూ.17 లక్షల నుంచి రూ.24 లక్షలకు పెంచింది. ఫైనాన్షియల్ యాక్షన్ టాస్క్‌ఫోర్స్ (ఎఫ్‌ఏటీఎఫ్‌) సమావేశం సమీపిస్తున్న నేపథ్యంలో ఈ నిర్ణయం తీసుకోవడం గమనార్హం. అజర్‌ అఫ్గానిస్థాన్‌కు పారిపోయాడని పాక్ చెబుతోంది. భారత్‌లో 2001 నాటి పార్లమెంటుపై దాడి, 2008 ముంబయి దాడులు, 2016 పఠాన్‌కోట్‌ వైమానిక స్థావరంపై దాడి, 2019 పుల్వామా బాంబుదాడి వంటి ప్రధాన ఉగ్రఘటనల్లో అజర్‌ హస్తం ఉంది.