పంచభూత క్షేత్రమైన తిరువణ్ణామలై అరుణాచలేశ్వర ఆలయంలో నవంబర్ 15 నుంచి ప్రారంభం కానున్న కార్తీక దీపోత్సవ పనులలో అపచారం జరిగింది. గురువారం నాడు ఆలయ గోపురాలను శుభ్రం చేస్తుండగా, అగ్నిమాపక సిబ్బంది పవిత్రమైన నంది వాహనంపైకి ఎక్కడం వివాదాస్పదమైంది. ఈ ఘటనపై భక్తులు, ఆధ్యాత్మికవేత్తలు తీవ్ర ఆగ్రహం వ్యక్తం చేయడంతో, దేవాదాయ శాఖ స్పందించి నిర్లక్ష్యంగా వ్యవహరించిన అశోక్ అనే ఉద్యోగిని సస్పెండ్ చేసింది. తప్పును గుర్తించిన సిబ్బంది ఆలయ అధికారులకు రాతపూర్వక క్షమాపణ లేఖను సమర్పించారు.