తెలుగు రాష్ట్రాలకు స్వచ్ఛ సర్వేక్షణ్ అవార్డులు (వీడియో)

ఢిల్లీలోని విజ్ఞాన్‌ భవన్‌లో జరిగిన స్వచ్ఛ సర్వేక్షణ్ అవార్డుల ప్రదానోత్సవంలో తెలుగు రాష్ట్రాలు జాతీయ స్థాయి పురస్కారాలను కైవసం చేసుకున్నాయి. ఏపీ తరఫున మంత్రి నారాయణ రాష్ట్రపతి ద్రౌపదీ ముర్ము చేతుల మీదుగా ఆరు అవార్డులను అందుకున్నారు. విశాఖ, విజయవాడ, రాజమహేంద్రవరం, గుంటూరు, తిరుపతి మరియు కుప్పం మున్సిపాలిటీలు ఈ గుర్తింపు పొందాయి. మరోవైపు, తెలంగాణ తరఫున మంత్రి పొన్నం ప్రభాకర్, జీహెచ్‌ఎంసీ కమిషనర్ ఆర్వీ కర్ణన్, హెచ్ఎం‌డీఏ కమిషనర్ సర్ఫరాజ్ అహ్మద్‌ జాతీయ స్థాయి అవార్డును స్వీకరించారు. పారిశుద్ధ్యం, వ్యర్థాల నిర్వహణలో మెరుగైన ప్రతిభ చూపినందుకు ఈ పురస్కారాలు లభించాయి.