తెలంగాణలోనే అతిపెద్ద మట్టి విగ్రహం (వీడియో)

తెలంగాణలోనే అతిపెద్ద మట్టి గణపతి విగ్రహం ఈసారి నాగోల్‌లో రూపుదిద్దుకుంది. తిరంగా యూత్ అసోసియేషన్ ఆధ్వర్యంలో పర్యావరణహిత గణపతిని తయారు చేశారు. ఖైరతాబాద్ విగ్రహం కంటే ఎత్తుగా, 72 అడుగుల ఎత్తుతో అష్టసిద్ధి మహాగణపతిగా శిల్పి కొత్తకొండ నగేశ్ ఆధ్వర్యంలో ఈ ప్రతిమను తయారు చేశారు. ఇక్కడ 8 ఏళ్లుగా మట్టి గణపతిని ఏర్పాటు చేస్తున్నారు, ప్రతి సంవత్సరం ఎత్తును పెంచుతున్నారు. కర్రలు, గడ్డి, వరిపొట్టు, జనుము, కలకత్తా బంకమట్టి, సుతిలి, గంగమట్టితో చేసిన ఈ గణపతికి వాటర్‌ కలర్స్‌తో అద్భుతమైన పెయింటింగ్ వేశారు. ఈ నెల 26న మండపం వద్దే నిమజ్జనం చేయనున్నారు.