తీవ్రరూపం దాల్చిన సౌదీ అరేబియా-హూతీల పోరు

యెమెన్‌లోని జైలుపై సౌదీ వైమానిక దాడికి ప్రతీకారంగా హూతీలు సౌదీ అరేబియాపై దాడులకు పాల్పడ్డారు. మంగళవారం తెల్లవారుజామున జరిగిన దాడుల్లో 73 మంది గాయపడ్డారు. అంతకుముందు యెమెన్ జైలుపై సౌదీ దాడిలో ఓ చిన్నారి సహా ఏడుగురు మృతి చెందారని హూతీల ఆరోగ్య శాఖ తెలిపింది. శిథిలాల కింద మరికొందరు చిక్కుకున్నట్లు వెల్లడించింది. ప్రతీకారం తప్పదని హూతీ సైనిక ప్రతినిధి యాహ్యా సరీ హెచ్చరించారు. ఎర్ర సముద్రంలో సౌదీ నౌకలపై సముద్ర దిగ్బంధనం విధిస్తున్నట్లు ప్రకటించారు.