టీటీడీ కళ్యాణ మండపాలు ఆన్‌లైన్‌లో బుక్ చేసుకునే సదుపాయం

టీటీడీ భక్తుల సౌకర్యార్థం తెలుగు రాష్ట్రాలతో పాటు కర్ణాటక, తమిళనాడు, ఒడిశా, కేరళ రాష్ట్రాల్లోని ప్రధాన ప్రాంతాల్లో కళ్యాణ మండపాలను అందుబాటులోకి తెచ్చింది. వివాహాలు, నిశ్చితార్థాలు, షష్ఠిపూర్తి, బారసాల, అన్నప్రాశనం వంటి వివిధ శుభకార్యాలను తక్కువ ఖర్చుతో నిర్వహించుకోవడానికి ఈ మండపాలను ఆన్‌లైన్‌లో ttdevasthanams.ap.gov.in వెబ్‌సైట్ ద్వారా బుక్ చేసుకోవచ్చు. ఫంక్షన్ హాళ్లలో లక్షల్లో ఖర్చయ్యే వేడుకలను టీటీడీ మండపాలలో తక్కువ ఖర్చుతో, మెరుగైన సదుపాయాలతో జరుపుకునే అవకాశం కల్పిస్తోంది. బుకింగ్ కోసం వెబ్‌సైట్‌లో నిబంధనలను అంగీకరించి, అవసరమైన వివరాలు నమోదు చేయాలి.