చైనా క్షిపణులకు చెక్‌ పెట్టేందుకు అమెరికా మాస్టర్‌ప్లాన్‌

చైనా క్షిపణి సామర్థ్యం పెరుగుతుండటంతో అమెరికా పశ్చిమ పసిఫిక్‌లో సైనిక కార్యకలాపాలను విస్తరించేందుకు సిద్ధమవుతోంది. రెండో ప్రపంచ యుద్ధ సమయంలో వినియోగించిన టినియన్‌ దీవి సహా నార్తర్న్‌ మరియానా దీవుల్లోని నాలుగు చారిత్రక ఎయిర్‌ఫీల్డ్‌లను మళ్లీ అందుబాటులోకి తీసుకురావాలని ప్రతిపాదించింది. వీటిలో ఏడాదికి 6,080 విమాన కార్యకలాపాలు నిర్వహించే అవకాశం ఉంది. చైనా క్షిపణి దాడులతో గువామ్‌లోని ప్రధాన స్థావరాలకు ముప్పు పొంచి ఉండటంతో, విమానాలు, సిబ్బందిని పలు ప్రాంతాలకు విస్తరించి కార్యకలాపాలు కొనసాగించడమే అమెరికా లక్ష్యంగా పెట్టుకుంది.