ఈసీఐపై ఎందుకు వివాదం మొదలైంది?

ఎన్నికల ఓటర్ల జాబితా సవరణకు సంబంధించి ఈసీఐ చేపట్టిన SIR ప్రక్రియే తాజా వివాదానికి ప్రధాన కారణంగా మారింది. దీనికి తోడు ఎన్నికల సంఘంలోని ముగ్గురు సభ్యుల మధ్య నిర్ణయాలపై భిన్నాభిప్రాయాలు ఉన్నాయన్న రిపోర్టులు రాజకీయంగా చర్చకు దారితీశాయి. ఎన్నికల కమిషనర్లు సుఖ్‌బీర్ సింగ్ సంధూ, వివేక్ జోషి గత 10 నెలల్లో కనీసం 14 సందర్భాల్లో ఎన్నికల సంఘం తీసుకున్న కొన్ని నిర్ణయాలపై రికార్డులో అభ్యంతరాలు వ్యక్తం చేశారు. కొత్త ఓటర్ల నమోదు, ఓటర్ల పేర్ల తొలగింపు, పునరుద్ధరణ, ఓటర్ల డేటా నిర్వహణ వంటి అంశాలు ఇందులో ఉన్నాయి.