పుట్టలో పాలు ఎందుకు పోస్తారు?

నాగుల చవితి సందర్భంగా పుట్టలో పాలు పోయడం వెనుక ఆధ్యాత్మిక, వేదాంతపరమైన అర్థాలు ఉన్నాయని పండితులు చెబుతున్నారు. ఈ ఆచారంలో పాలు సత్వగుణానికి, పాము మనిషిలోని కామ, క్రోధ, లోభ, మోహం వంటి వికారాలకు ప్రతీకలుగా భావిస్తారు. పుట్టను మానవ శరీరంతో, పామును వెన్నెముకలో నిద్రాణంగా ఉండే కుండలినీ శక్తితో పోలుస్తారు. పుట్టలో పాలు పోయడం ద్వారా మనిషిలోని చెడు గుణాలు తొలగి, సత్వగుణం పెంపొందాలని ప్రార్థించడమే అంతరార్థమని వివరిస్తారు. కుండలినీ శక్తిని మేల్కొలిపి ఆధ్యాత్మిక ఉన్నతిని సాధించాలనే భావన కూడా ఈ ఆచారంలో అంతర్లీనంగా ఉందని పేర్కొంటున్నారు.