ట్రయల్ రూమ్‌లో యువతి గొంతు కోసి హత్య

ఢిల్లీలోని మోతీనగర్ మెట్రో స్టేషన్ సమీపంలోని ఓ దుస్తుల షోరూమ్‌లో పనిచేస్తున్న షబ్నమ్ (18) దారుణ హత్యకు గురైంది. శనివారం రాత్రి షోరూమ్ మూసే సమయంలో ట్రయల్ రూమ్‌లో రక్తపు మడుగులో పడి ఉండటాన్ని సిబ్బంది గుర్తించారు. ఆమెకు పరిచయస్తుడైన వ్యక్తే గొంతు కోసి హత్య చేసినట్లు పోలీసులు అనుమానిస్తున్నారు. గతంలో ఇద్దరి మధ్య స్నేహం ఉండగా, కొంతకాలంగా విభేదాలు వచ్చినట్లు ప్రాథమిక విచారణలో తేలింది. ఏకపక్ష ప్రేమ, వ్యక్తిగత గొడవల కోణాల్లో దర్యాప్తు చేస్తున్నారు. సీసీటీవీ ఫుటేజీని పరిశీలిస్తూ పరారీలో ఉన్న నిందితుడి కోసం గాలిస్తున్నారు.