இயற்கை ஆர்வலர்கள், புகைப்பட கலைஞர்களுக்கு கிடைத்த சொர்க்கம்

உத்தராகண்ட் மாநிலத்தில் அமைந்துள்ள 'பூக்களின் பள்ளத்தாக்கு' என்ற இயற்கை சுற்றுலாத் தளம், தற்போது உலகின் கவனத்தை ஈர்த்து வருகிறது. யுனெஸ்கோவால் உலக பாரம்பரிய தளமாக அறிவிக்கப்பட்ட இந்த பகுதி, சுமார் 500-க்கும் மேற்பட்ட அரிய வகை ஆல்பைன் மலர் வகைகளால் நிரம்பியுள்ளது. குறிப்பாக, கோடை மற்றும் பருவமழை காலங்களில், இந்த புல்வெளிகள் பலவிதமான வண்ண பூக்களால் அலங்கரிக்கப்பட்டு, கண்கொள்ளா காட்சியை வழங்குகின்றன.