கால்நடை மருத்துவப் படிப்புகளுக்கு விண்ணப்பங்கள் வரவேற்பு

தமிழ்நாடு கால்நடை மருத்துவ அறிவியல் பல்கலைக்கழகத்தில் இளநிலை பட்டப்படிப்புகளுக்கான மாணவர் சேர்க்கை நாளை மறுதினம் (மே 25) காலை 10 மணி முதல் அடுத்த மாதம் (ஜூன்) 17ஆம் தேதி மாலை 5 மணி வரை நடைபெற உள்ளது. மாணவர்கள் https://adm.tanuvas.ac.in என்ற பல்கலைக்கழக இணையதளம் மூலம் விண்ணப்பிக்கலாம். அயல்நாடு வாழ் இந்தியர்கள், அவர்களின் குழந்தைகள், நிதி ஆதரவு பெற்றோர் மற்றும் அயல்நாட்டினருக்கான இடஒதுக்கீடு, விண்ணப்ப வழிமுறைகள் மற்றும் இதர விவரங்கள் இணையதளத்தில் கிடைக்கும்.