பேச்சுவார்த்தை தோல்வியடைந்தால் ஈரான் மீது தாக்குதல்

அணுசக்தி ஒப்பந்தம் தொடர்பாக ஈரானுக்கும் அமெரிக்காவுக்கும் இடையே ஓமனில் பேச்சுவார்த்தை நடந்து வருகிறது. இதற்கிடையே இஸ்ரேல் பிரதமர் நெதன்யாகு அமெரிக்கா சென்று அதிபர் டிரம்ப்-ஐ சந்தித்தார். இந்நிலையில் பேச்சுவார்த்தைகள் தோல்வியடைந்தால் ஈரான் மீது அமெரிக்கா ராணுவத் தாக்குதலை நடத்தும் என்று அமெரிக்க அதிபர் டிரம்ப் மீண்டும் எச்சரிக்கை விடுத்துள்ளார். ஒப்பந்தம் செய்துகொள்வதில் ஈரான் ஆர்வம் காட்டி வருவதாகவும், பேச்சுவார்த்தை வெற்றிகரமாக அமையும் என நம்புவதாகவும் டிரம்ப் தெரிவித்தார்.