முதல்வர் படைப்பக கட்டுமான பணிகளை ஆய்வு செய்த அமைச்சர்

சென்னை பெருநகர் வளர்ச்சி குழுமம் சார்பில் கொளத்தூர் சட்டமன்ற தொகுதி, ஜவஹர் நகர் முதல் வட்டச் சாலையில் கட்டப்பட்டு வரும் “முதல்வர் படைப்பகம்” மற்றும் நூலகத்தின் இறுதி கட்டப் பணிகளை அமைச்சர் சேகர் பாபு நேரில் ஆய்வு செய்தார். பணிகளை விரைந்து முடிக்க துறை சார்ந்த அதிகாரிகளுடன் அவர் ஆலோசனை மேற்கொண்டார். இந்த ஆய்வு, படைப்பகம் மற்றும் நூலகத்தின் கட்டுமானப் பணிகளின் முன்னேற்றத்தை உறுதி செய்வதாகவும், விரைவில் பொதுமக்கள் பயன்பாட்டிற்குக் கொண்டுவரும் நோக்கத்தையும் கொண்டது.