தொழிநுட்ப கோளாறு: பேருந்தில் பயணச்சீட்டு வழங்குவது பாதிப்பு

சென்னை மாநகரப் பேருந்துகளில் மின்னணு பயணச்சீட்டு இயந்திரங்களில் ஏற்பட்ட தொழில்நுட்பக் கோளாறு காரணமாக, மின்னணு பயணச்சீட்டு வழங்குவதில் தற்காலிக தடை ஏற்பட்டுள்ளது. தொழில்நுட்பக் கோளாறு சரிசெய்யப்படும் வரை, நடத்துனர்கள் காகிதத்திலான பயணச்சீட்டுகளை மட்டுமே வழங்குவார்கள். மேலும், யுபிஐ, டெபிட் மற்றும் கிரெடிட் கார்டுகள் மூலமான பணப்பரிமாற்றங்களை ஏற்க இயலாது என்றும் சென்னை மாநகர் போக்குவரத்துக் கழகம் தெரிவித்துள்ளது. பயணிகள் கைமுறை பயணச்சீட்டுகளைப் பயன்படுத்த அறிவுறுத்தப்படுகிறார்கள்.