கோவை: வீட்டில் இருந்த அரிசி தின்று சென்ற யானை –வீடியோ வைரல்!

கோவை மாவட்டம் தடாகம் அருகே தாளியூர் பகுதியில், ஒரு காட்டு யானை தோட்டத்து வீட்டுக்குள் புகுந்து அரிசியை தின்று சென்றது. இந்த சம்பவம் வீட்டில் இருந்தவரால் செல்போனில் வீடியோ பதிவு செய்யப்பட்டது, இது சமூக வலைதளங்களில் வைரலாகி வருகிறது. மேற்கு தொடர்ச்சி மலையை ஒட்டிய இப்பகுதிகளில் காட்டு யானைகள் அடிக்கடி ஊருக்குள் புகுந்து விவசாய நிலங்களை சேதப்படுத்துகின்றன. இன்று அதிகாலையிலும் பல தோட்டங்களில் புகுந்த யானை வாழை மரங்களை உடைத்து, ஒருவரை துரத்தியுள்ளது. அதிகரித்து வரும் யானை அச்சத்தால் மக்கள் வனத்துறையிடம் உடனடி நடவடிக்கை எடுக்க கோரிக்கை விடுத்துள்ளனர்.