கோவை: ஆயில் கழிவு கொட்டிய லாரி சிறை பிடிப்பு

கோவை, கருமத்தம்பட்டி அருகே உள்ள கிட்டாம்பாளையத்தில், குடிநீருக்காக பயன்படும் குட்டையில் ஆயில் கழிவுகளை கொட்டிச் சென்ற லாரியை, அப்பகுதி இளைஞர்கள் நேற்று இரவு கண்காணிப்பின்போது பிடித்து, ஊராட்சி நிர்வாகத்திடம் ஒப்படைத்தனர். சுதந்திர வனம் அருகே அமைந்துள்ள இந்தக் குட்டை மற்றும் ஆழ்துளை கிணறு, அப்பகுதி மக்களின் குடிநீர் ஆதாரமாக உள்ளன. 

கடந்த சில நாட்களாக இரவில் மர்ம நபர்கள் கழிவுகளை கொட்டிவந்தது மக்கள் கவலையடைய காரணமாக இருந்தது. இளைஞர்கள் நடவடிக்கையுடன் செயல்பட்டு, உரிய அதிகாரிகளுக்கு தகவல் அளித்தனர். பொதுமக்கள், குடிநீர் மாசுபடுவதை தடுக்கும் வகையில், இதுபோன்ற குற்றங்களில் ஈடுபடுவோருக்கு கடும் நடவடிக்கை எடுக்க வேண்டும் என வலியுறுத்தியுள்ளனர்.