ஆயங்குடி: வீடு கட்ட உத்தரவாதம் அளித்த எம்எல்ஏ

காட்டுமன்னார்கோயில் ஒன்றியம் ஆயங்குடி மேலப்பக்கதுறை பகுதியில் ஜாகிர் உசேன் என்பவரின் வீடு எதிர்பாராத விதமாக இரவு பெய்த மழையில் இடிந்து விழுந்தது. இந்த சம்பவத்தை அடுத்து, காட்டுமன்னார்கோவிலின் சட்டமன்ற உறுப்பினர் சிந்தனைச்செல்வன், பாதிக்கப்பட்ட ஜாகிர் உசேனின் வீட்டிற்கு நேரில் சென்று ஆறுதல் தெரிவித்தார். மேலும், கலைஞர் வீடு கட்டும் திட்டத்தின் கீழ் உடனடியாக அவருக்கு ஒரு வீடு வழங்க வேண்டும் என்றும், இது தொடர்பாக உரிய அலுவலர்களிடம் பேசி உத்தரவாதம் அளிப்பதாகவும் அவர் உறுதியளித்தார்.