100 வாழை, 100 தென்னைக்கன்றுகளை நாசம் செய்த காட்டு யானைகள்

திண்டுக்கல் மாவட்டம், ஆத்தூர் தொகுதி, கன்னிவாடி அருகே உள்ள கருப்பசேர்வைகாரன்பட்டி பகுதியில், கொடைக்கானல் மலை அடிவாரத்தில் சுமார் 100 ஏக்கருக்கும் மேல் பயிரிடப்பட்டிருந்த மக்காச்சோளப் பயிர்களை, உணவுக்காக வந்த காட்டு யானைகள் சேதப்படுத்தின. நடராஜன் என்பவரின் 6 ஏக்கர் மக்காச்சோளத் தோட்டத்தில் நுழைந்த 10க்கும் மேற்பட்ட யானைகள், 3 ஏக்கர் மக்காச்சோளத்தையும், 100 தென்னை கன்றுகளையும், 100 வாழை மரங்களையும் முழுமையாக அழித்து விவசாயிகளுக்கு பெரும் இழப்பை ஏற்படுத்தியுள்ளன. கடந்த 8 ஆண்டுகளாக இந்த யானைகளின் அட்டகாசம் தொடர்வதாக அப்பகுதி விவசாயிகள் தெரிவித்துள்ளனர்.