பெரு நாட்டில் சக்திவாய்ந்த நிலநடுக்கம்: கட்டிடங்கள் சேதம்

பெரு நாட்டின் தெற்கே பசிபிக் பகுதியில் இன்று (மே 20) ஏற்பட்ட 5.8 ரிக்டர் அளவிலான சக்திவாய்ந்த நிலநடுக்கத்தால் ஐகா பகுதிக்குட்பட்ட பம்பா டி ததே நகரம் கடுமையாக உலுக்கப்பட்டது. இந்த இயற்கை பேரிடரால் சான் லூயிஸ் கொன்ஜகா பல்கலைக்கழகம் உள்ளிட்ட பல கட்டிடங்கள் சேதமடைந்து 27 பேர் காயமடைந்த நிலையில், அதிர்ஷ்டவசமாக உயிரிழப்புகள் ஏதும் ஏற்படவில்லை. கட்டிடங்களின் சுவர்களும் மேற்கூரைகளும் பெயர்ந்து விழுந்ததால் பீதியடைந்த மக்கள் வீடுகளை விட்டு வெளியேறி தெருக்களில் தஞ்சமடைந்தனர்.