15 நாட்களுக்குப் பின் உயர்ந்த முட்டை விலை

கடந்த 15 நாட்களாக மாற்றமில்லாமல் இருந்த முட்டை விலை, நுகர்வு அதிகரிப்பு காரணமாக இன்று (பிப்.12) உயர்த்தப்பட்டுள்ளது. நாமக்கல் மண்டல தேசிய முட்டை ஒருங்கிணைப்பு குழு, முட்டை ஒன்றின் பண்ணை கொள்முதல் விலையை 5 காசுகள் உயர்த்தி ரூ.5.30 ஆக நிர்ணயம் செய்துள்ளது. ஏற்றுமதி மற்றும் உள்நாட்டு தேவை அதிகரித்துள்ளதே இந்த விலை உயர்வுக்கு முக்கிய காரணமாகக் கூறப்படுகிறது. இந்த புதிய விலை மாற்றம் நாளை காலை முதல் அமலுக்கு வர இருக்கிறது.