தூக்கு போட்டு தற்கொலை போலீசார் விசாரணை

ஈரோடு திண்டல் பகுதியைச் சேர்ந்த பைனான்ஸ் தொழில் அதிபர் சரவணகுமார் (32) வீட்டில் தூக்கு போட்டு தற்கொலை செய்து கொண்டார். ஒரு வருடத்திற்கு முன்பு தந்தை இறந்ததில் இருந்து மனமுடைந்திருந்த அவர், கடந்த ஒரு வாரமாக யாரிடமும் பேசாமல் இருந்துள்ளார். அவரது மனைவி சந்தேகமடைந்து, அவரது அண்ணனுக்கு தகவல் தெரிவித்துள்ளார். அண்ணன் வந்து பார்த்தபோது, சரவணகுமார் தூக்கில் தொங்கிய நிலையில் கண்டெடுக்கப்பட்டார். மீட்கப்பட்டு மருத்துவமனைக்கு கொண்டு செல்லப்பட்ட நிலையில், அவர் ஏற்கனவே இறந்துவிட்டதாக மருத்துவர்கள் தெரிவித்தனர். இது குறித்து போலீசார் விசாரணை நடத்தி வருகின்றனர்.