ஈரோடு: 63 சவரன் கொள்ளையடித்த குற்றவாளி கைது

ஈரோடு கருங்கல்பாளையத்தில் நண்பரின் வீட்டின் சாவியைத் திருடி, பீரோவில் இருந்த 63 பவுன் தங்க நகைகளை கொள்ளையடித்த மயில்சாமி (25) என்ற இளைஞரை, புகாரளித்த 12 மணி நேரத்திற்குள் காவல்துறையினர் கைது செய்தனர். ராஜன் தனது வீட்டைப் பூட்டிவிட்டு சாவியை மறைத்து வைத்திருந்த நிலையில், அவரது மகன் ஜெயகிருஷ்ணாவின் நண்பரான மயில்சாமி, சாவியை எடுத்து வீட்டைத் திறந்து நகைகளைத் திருடியுள்ளார். இந்த சம்பவம் குறித்து ராஜன் அளித்த புகாரின் பேரில் காவல்துறையினர் விசாரணை நடத்தி மயில்சாமியை கைது செய்தனர்.