11 பந்துகளில் அரைசதம்.. தொடர்ச்சியாக 8 சிக்ஸர்கள் அடித்து சாதனை

மேகாலயாவைச் சேர்ந்தவர் 25 வயதான ஆகாஷ் குமார் சௌத்ரி. இவர், அருணாச்சலப் பிரதேசத்துக்கு எதிரான ரஞ்சி டிராபி பிளேட் பிரிவு ஆட்டத்தில், வெறும் 11 பந்துகளில் அரைசதம் அடித்து உலக சாதனையைப் படைத்துள்ளார். மேகாலயா அணி 576 ரன்களுக்கு 6 விக்கெட் என்ற நிலையில் இருந்தபோது 8வது வீரராகக் களமிறங்கிய ஆகாஷ், வந்த வேகத்திலேயே அதிரடி காட்டத் தொடங்கினார். அவர் தொடர்ச்சியாக 8 சிக்ஸர்கள் அடித்து மிரட்டினார். இதில், லீமர் டாப் என்ற பந்துவீச்சாளரின் ஓவரில் மட்டும் 6 சிக்ஸர்கள் அடங்கும்.

நன்றி: BCCIdomestic