திமிங்கலங்கள், கடல்வாழ் உயிரினங்கள் பாதுகாப்பில் சர்வதேச ஒத்துழைப்பை வலியுறுத்தியது இந்திய அரசு

ஆஸ்திரேலியாவில் நடைபெற்ற சர்வதேச திமிங்கல ஆணையத்தின் 70-வது கூட்டத்தில், கடல் பாலூட்டிகள் பாதுகாப்பிற்கான தனது உறுதியை இந்தியா மீண்டும் சுட்டிக்காட்டியுள்ளது. 1981 முதல் இந்த அமைப்பில் உறுப்பினராக இருக்கும் இந்தியா, அறிவியல் ரீதியிலான ஆராய்ச்சி மற்றும் சர்வதேச ஒத்துழைப்பு மூலம் திமிங்கலங்களை பாதுகாப்பதை வலியுறுத்தி வருகிறது. மேலும், 1972 வனவிலங்கு பாதுகாப்பு சட்டம் மற்றும் 'டால்பின் திட்டம்' மூலம் இந்திய பெருங்கடல் பகுதி கடல் உயிரினங்களுக்கு மிக உயர்ந்த சட்டப் பாதுகாப்பு வழங்கப்பட்டு வருகிறது.