சென்னை: மீண்டும் வெடிகுண்டு மிரட்டல்

சென்னையில் உள்ள டி.ஜி.பி. அலுவலகத்திற்கு இ-மெயில் மூலம் 37 வெளிநாட்டு தூதரகங்களில் வெடிகுண்டு வைக்கப்பட்டிருப்பதாக மிரட்டல் விடுக்கப்பட்டது. இதைத் தொடர்ந்து, வெடிகுண்டு செயலிழப்பு நிபுணர்கள் மோப்ப நாய் உதவியுடன் சோதனை நடத்தினர். இந்த சோதனையில், வெடிகுண்டு மிரட்டல் புரளி எனத் தெரியவந்தது. இருப்பினும், மிரட்டல் விடுத்த மர்ம நபர் குறித்து போலீசார் தீவிர விசாரணை மேற்கொண்டு வருகின்றனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.