கருங்களாப்பள்ளியில் சேதமான மயான கொட்டகை

கரூர் மாவட்டம் குளித்தலை ஒன்றியம், ராஜேந்திரம் ஊராட்சிக்கு உட்பட்ட கருங்களாப்பள்ளி பகுதியில் சுமார் 12 ஆண்டுகளுக்கு முன்பு கட்டப்பட்ட பொது மயான கொட்டகை சேதமடைந்து இடிந்து விழும் அபாயத்தில் உள்ளது. 8 தூண்களில் ஒன்று முற்றிலும் சேதமடைந்து விழுந்த நிலையில், மற்ற தூண்களும் மண் அரிப்பால் பாதிக்கப்பட்டுள்ளன. கிராம சபை கூட்டத்தில் கோரிக்கை விடுத்தும் நடவடிக்கை எடுக்கப்படாததால், அதிகாரிகள் உடனடியாக புதிய மயான கொட்டகை அமைத்து தர கிராம மக்கள் வலியுறுத்துகின்றனர்.