போச்சம்பள்ளி: கார் மின் கம்பத்தில் மோதி மின் பொறியாளர் காயம்

கிருஷ்ணகிரி மாவட்டம் போச்சம்பள்ளி அருகே பேருஅள்ளி கிராமத்தைச் சேர்ந்த மின் பொறியாளர் சரவணன் (45), நேற்று முன்தினம் (மே 21) இரவு மீன் பிடிக்கச் சென்றுவிட்டு மே-22 காலை காரில் திரும்பும்போது, நாகரசம்பட்டி அருகே உள்ள வளைவில் நிலைதடுமாறி மின் கம்பத்தில் மோதி விபத்துக்குள்ளானார். இதில் மின் கம்பம் சாய்ந்ததோடு, சரவணனுக்கு தலையில் காயம் ஏற்பட்டு மருத்துவமனையில் சிகிச்சை பெற்று வருகிறார். இது குறித்து நாகரசம்பட்டி போலீசார் விசாரணை மேற்கொண்டுள்ளனர்.