நாகர்கோவில் - சென்னை எழும்பூர் இடையே சிறப்பு ரயில்; தெற்கு ரயில்வே அறிவிப்பு

கோடை கால பயணிகள் கூட்ட நெரிசலை சமாளிக்க, தெற்கு ரயில்வே சார்பில் நாகர்கோவில் - சென்னை எழும்பூர் இடையே ஒருவழி அதிவேக சிறப்பு ரயில் இயக்கப்பட உள்ளது. ரயில் எண் 06196, வரும் 31.05.2026 ஞாயிற்றுக்கிழமை காலை 11.45 மணிக்கு நாகர்கோவிலில் இருந்து புறப்பட்டு, அதே நாள் இரவு 11.55 மணிக்கு சென்னை எழும்பூரை சென்றடையும். இதில் 2 ஏசி சேர் கார், 16 சேர் கார் மற்றும் 2 பொது இரண்டாம் வகுப்பு பெட்டிகள் இணைக்கப்பட்டுள்ளன. இந்த ரயில் பல முக்கிய நிலையங்களில் நின்று செல்லும். முன்பதிவு நாளை காலை 8 மணிக்கு தொடங்கும்.