மதுரை: காரிலிருந்த அழுகிய நிலையில் பெண்ணின் சடலம் மீட்பு

மதுரை பழங்காநத்தம் வெங்கடாசலபுரம் பகுதியில் சர்வீஸுக்காக நிறுத்தப்பட்டிருந்த காரில் அழுகிய நிலையில் பெண் உடல் கண்டெடுக்கப்பட்டுள்ளது. ராமநாதபுரம் மாவட்டம் சாயல்குடியைச் சேர்ந்த பூவலிங்கம் என்பவர் தனது காரை கடந்த வாரம் சர்வீஸுக்காக நிறுத்தியுள்ளார். உதிரி பாகங்கள் கிடைக்காததால் 4 நாட்களுக்குப் பிறகு அவற்றை வாங்கி வந்த நிலையில், நேற்று (மே 30) இரவு காரின் அருகே சென்றபோது துர்நாற்றம் வீசியுள்ளது. காரைத் திறந்து பார்த்தபோது, 45 வயது மதிக்கத்தக்க பெண்ணின் உடல் அழுகிய நிலையில் கிடந்துள்ளது.