குடியிருப்பு பகுதிகளை சூழ்ந்துள்ள கழிவுநீருடன் கூடிய மழைநீர்

வங்கக் கடலில் உருவான புயல் காரணமாக மயிலாடுதுறை மாவட்டத்தில் கடந்த 28 மற்றும் 29 ஆம் தேதிகளில் பெய்த பலத்த மழையால், வள்ளலாகரம் ஊராட்சிக்கு உட்பட்ட கோகுலம் நகர், ராசி நகர், கைலாஷ் நகர் உள்ளிட்ட 20-க்கும் மேற்பட்ட குடியிருப்புகளில் வீடுகளைச் சுற்றி தண்ணீர் தேங்கியுள்ளது. சேந்தங்குடி வாய்க்கால் வழியே தண்ணீர் வடியாததாலும், அதில் பாதாள சாக்கடை கழிவுநீர் கலந்ததாலும், மழைநீருடன் கழிவுநீரும் சேர்ந்து துர்நாற்றம் வீசி, பொதுமக்கள் வீடுகளிலேயே முடங்கிக் கிடக்கும் நிலை ஏற்பட்டுள்ளது.