நீலகிரி: ரூ. 9½ லட்சம் நிதி திரட்டி மின்வேலி அமைப்பு!

நீலகிரி மாவட்டம் முதுமலை புலிகள் காப்பக எல்லையோர கிராமங்களில் காட்டு யானைகள் ஊருக்குள் புகுந்து பயிர்களை சேதப்படுத்தும் பிரச்சனைக்கு தீர்வு காணும் வகையில், ஸ்ரீ மதுரை ஊராட்சி மக்கள் 'ஊராட்சி மக்கள் பாதுகாப்பு இயக்கம்' உருவாக்கி, ரூ. 9½ லட்சம் நிதி திரட்டி, மாங்களாஞ்சி முதல் வடவயல் வரை 3½ கி. மீ தூரம் சோலார் மின்வேலி அமைத்துள்ளனர். இதன் மூலம் நீண்ட கால காட்டு யானை பிரச்சனைக்கு தீர்வு கிடைத்துள்ளதாக இயக்கத் தலைவர் சி. கே. மணி தெரிவித்துள்ளார். மேலும், 2-வது கட்டமாக வடவயல் முதல் குனில் வயல் வரை 4 கி. மீ. தூரம் மின்வேலி அமைக்கும் பணி விரைவில் தொடங்கப்பட உள்ளது.