நீலகிரி: பள்ளத்தில் சிற்றுந்து கவிழ்ந்த விபத்தில் பெண் உயிரிழப்பு

நீலகிரி மாவட்டம், உதகையில் இருந்து தங்காடு கிராமத்திற்கு தனியார் சிற்றுந்து சென்றபோது, மணலாடா அருகே ஓட்டுநர் கட்டுப்பாட்டை இழந்து 100 அடி பள்ளத்தில் கவிழ்ந்து விபத்துக்குள்ளானது. புதன்கிழமை நடந்த இந்த விபத்தில் 36 பேர் பயணித்தனர். 25-க்கும் மேற்பட்டோர் காயமடைந்தனர். சிகிச்சை பெற்று வந்த பவளம் (60) என்பவர் வெள்ளிக்கிழமை உயிரிழந்தார். மேலும் மூன்று பேருக்கு தீவிர சிகிச்சை அளிக்கப்பட்டு வருகிறது.