பந்தலூர்: போலீசார் போக்குவரத்து விழிப்புணர்வு முகாம்!

பந்தலூர் அருகே முக்கட்டி பகுதியில் வாகன ஓட்டுநர்களுக்கு போலீசார் நேற்று போக்குவரத்து விழிப்புணர்வு ஏற்படுத்தினர். கூடலூர்-தேவர்சோலை மற்றும் பந்தலூர்-குந்தலாடி வழியாக கேரளா செல்லும் முக்கியச் சாலைகள் சந்திக்கும் முக்கட்டியில், இருசக்கர வாகன ஓட்டுநர்கள் அதிவேகமாக செல்வதாக வந்த புகாரை அடுத்து, நெலக்கோட்டை போலீஸ் சப்-இன்ஸ்பெக்டர் கிருஷ்ணமூர்த்தி, ஊர்காவல் படை நைஜில் தலைமையிலான போலீசார் வாகன சோதனை நடத்தினர். அதிவேகமாக சென்ற ஓட்டுநர்களுக்கு அறிவுரை வழங்கி அனுப்பி வைத்தனர். மேலும், ஆட்டோ மற்றும் பிற வாகனங்களில் போதைப்பொருள், டாஸ்மாக் மதுபானம் கடத்தப்படுகிறதா எனவும் போலீசார் பரிசோதனை செய்தனர்.