பாலக்காடு-கூடலூர் இடையே புதிய பேருந்து சேவை தொடக்கம்

பாலக்காடு மற்றும் கூடலூர் இடையே புதிய KSRTC அரசு பேருந்து சேவை தொடங்கப்பட்டுள்ளது. இந்த புதிய சேவை, இரு பகுதிகளுக்கும் இடையேயான பயணிகளுக்கு, குறிப்பாக சுற்றுலாப் பயணிகள், தொழிலாளர்கள், மாணவர்களுக்கு பயண வசதியை மேம்படுத்தும் என எதிர்பார்க்கப்படுகிறது. கூடலூர் புதிய பேருந்து நிலையத்திற்கு பேருந்து வந்தடைந்தபோது பொதுமக்கள் சார்பில் மலர் மாலைகள் அணிவித்து, கைதட்டி வரவேற்பு அளிக்கப்பட்டது. KSRTC நிர்வாகத்தினருக்கு பொதுமக்கள் நன்றி தெரிவித்தனர்.