பெரம்பலூர்: கார் மோதி இளைஞர் பலி

பெரம்பலூர் அருகே எளம்பலூரில் மோட்டார் சைக்கிள் மீது கார் மோதி விபத்துக்குள்ளானதில்,  மகேந்திரன் (26) உயிரிழந்தார். ஞாயிற்றுக்கிழமை இரவு கோரையாறில் இருந்து எளம்பலூருக்கு மோட்டார் சைக்கிளில் சென்றுகொண்டிருந்தபோது, லாரியை முந்திச் செல்ல முயன்றபோது எதிரே வந்த கார் மீது மோதி இந்த விபத்து ஏற்பட்டது. பலத்த காயமடைந்த மகேந்திரன் மற்றும் மணிவாசகம் அரசு மருத்துவமனையில் அனுமதிக்கப்பட்டனர். இதில் மகேந்திரன் சிகிச்சை பலனின்றி உயிரிழந்தார். இதுகுறித்து பெரம்பலூர் போலீஸார் கார் ஓட்டுநர் செந்தில்குமாரிடம் விசாரணை மேற்கொண்டு வருகின்றனர்.