புதுச்சேரியில் அரசு உயர் அதிகாரிகள் 6 மாதங்களுக்கு வெளிநாடு செல்லத்தடை

புதுச்சேரியில் எரிபொருள் மற்றும் அரசு செலவினங்களை சிக்கனப்படுத்தும் நடவடிக்கையின் ஒரு பகுதியாக, அரசு உயர் அதிகாரிகள் அடுத்த 6 மாதங்களுக்கு வெளிநாடு செல்ல தடை விதிக்கப்பட்டுள்ளது. துணைநிலை ஆளுநர் கைலாஷ்நாதனின் உத்தரவின்பேரில், இதற்கான அதிகாரப்பூர்வ சுற்றறிக்கையை அரசு சார்பு செயலாளர் தற்போது வெளியிட்டுள்ளார். இந்த நிதி கட்டுப்பாட்டு நடவடிக்கை, யூனியன் பிரதேசத்தின் தேவையற்ற நிர்வாக செலவுகளை கணிசமாக குறைக்கும் என்று எதிர்பார்க்கப்படுகிறது.