கொங்கணாபுரம் கூட்டுறவுசங்கம் ரூ. 50 லட்சத்துக்கு பருத்தி ஏலம்

சேலம் மாவட்டம் கொங்கணாபுரம் வேளாண் கூட்டுறவு சங்கத்தில் பருத்தி, எள், நிலக்கடலை, கொப்பரை தேங்காய் ஏலம் நடந்தது. இதில் மாவட்டத்தின் பல்வேறு பகுதிகளில் இருந்து, விவசாயிகள் விற்பனைக்காக கொண்டு வந்திருந்த சுமார் 2 ஆயிரம் பருத்தி மூட்டைகள் 450 லாட்டுகளாக பிரிக்கப்பட்டு கூட்டுறவு அலுவலர்கள் முன்னிலையில் ஏலம் விடப்பட்டது. 

பி.டி.ரக பருத்தியானது குவிண்டால் ஒன்று ரூ. 7 ஆயிரத்து 400 முதல் ரூ. 8 ஆயிரத்து 360 வரை விற்பனையானது. டி.சி.எச். ரக பருத்தியானது குவிண்டால் ஒன்று ரூ. 8 ஆயிரத்து 900 முதல் ரூ. 10 ஆயிரத்து 350 வரை விலை போனது. கொட்டு ரக பருத்தியானது குவிண்டால் ஒன்று ரூ. 4 ஆயிரத்து 600 முதல் ரூ. 5 ஆயிரத்து 200 வரை விற்பனையானது. ஏலத்தில் ரூ. 50 லட்சத்துக்கு பருத்தி ஏலம் போனது.