தம்மமப்பட்டி கூலி தொழிலாளி விபத்தில் மூளைச்சாவு உடல் தானம்

சேலம் மாவட்டம், தம்மம்பட்டியைச் சேர்ந்த கூலித்தொழிலாளி ராஜா (51) கடந்த 2-ம் தேதி திருச்சி சோபனபுரத்தில் அம்மாவைப் பார்க்கச் சென்றபோது, கல்லாங்குத்து சாலையில் பேரிகார்டில் மோதி தலையில் பலத்த காயமடைந்தார். திருச்சி தனியார் மருத்துவமனையில் சிகிச்சை பெற்று வந்த அவருக்கு கடந்த 12-ம் தேதி மூளைச்சாவு ஏற்பட்டது. அவரது குடும்பத்தினரின் விருப்பத்தின் பேரில் உடல் உறுப்புகள் தானம் செய்யப்பட்டன. பின்னர், தம்மம்பட்டியில் அடக்கம் செய்ய கொண்டுவரப்பட்ட ராஜாவின் உடலுக்கு ஆத்தூர் வருவாய் கோட்டாட்சியர் தமிழ்மணி, வட்டாட்சியர் நாகலட்சுமி உள்ளிட்ட அதிகாரிகள் முன்னிலையில் அரசு மரியாதை செய்யப்பட்டது.