மேட்டூர்: மனைவியுடன் தகராறு.. தொழிலாளி தற்கொலை

மேட்டூர் கருமலைக்கூடல் பகுதியை சேர்ந்த கூலி தொழிலாளி குணசேகரன் (29) மனைவியுடன் ஏற்பட்ட கருத்து வேறுபாடு காரணமாக விஷம் குடித்து தற்கொலை செய்து கொண்டார். சுகன்யா என்ற மனைவியும், 2 குழந்தைகளும் உள்ள இவருக்கு, மனைவியுடன் ஏற்பட்ட தகராறில் மனம் உடைந்த குணசேகரன் விஷம் குடித்து மயங்கி விழுந்தார். அக்கம் பக்கத்தினர் அவரை மருத்துவமனையில் சேர்த்தனர். அங்கு சிகிச்சை பலனின்றி குணசேகரன் பரிதாபமாக உயிரிழந்தார். இது குறித்து போலீசார் விசாரணை நடத்தி வருகின்றனர்.