சேலத்தில் மாரத்தான் போட்டி 252 பேர் பங்கேற்பு

சேலம் மாவட்ட விளையாட்டு மேம்பாட்டு ஆணையம் சார்பில் நேற்று காந்தி விளையாட்டு மைதானத்தில் அண்ணா மாரத்தான் போட்டி நடைபெற்றது. இதில் 17 முதல் 25 வயது வரை உள்ள ஆண்களுக்கு 8 கி.மீ., பெண்களுக்கு 5 கி.மீ., 25 வயதிற்கு மேற்பட்ட ஆண்களுக்கு 10 கி.மீ., பெண்களுக்கு 5 கி.மீ. தூரம் நிர்ணயிக்கப்பட்டது. மொத்தம் 154 ஆண்கள், 98 பெண்கள் என 252 பேர் பங்கேற்றனர். ஒவ்வொரு பிரிவிலும் வெற்றி பெற்றவர்களுக்கு முதல் பரிசு ரூ. 5 ஆயிரம், இரண்டாம் பரிசு ரூ. 3 ஆயிரம், மூன்றாம் பரிசு ரூ. 2 ஆயிரம் வழங்கப்பட்டன. முன்னதாக எம்.பி. டி.எம். செல்வகணபதி போட்டியை தொடங்கி வைத்தார்.