சேலம்: அதிமுகவின் சாதனைகளை விளக்கி துண்டு பிரசுரங்கள் வினியோகம்

சேலம் மேற்கு தொகுதிக்கு உட்பட்ட சூரமங்கலம் பகுதி அ.தி.மு.க. சார்பில் எடப்பாடி பழனிசாமியின் அ.தி.மு.க. ஆட்சி காலத்தில் சேலம் உள்பட தமிழ்நாடு முழுவதும் செயல்படுத்திய திட்டங்கள் குறித்தும், அ.தி.மு.க. ஆட்சியின் சாதனைகள் குறித்தும் துண்டு பிரசுரங்கள் வினியோகம் செய்யப்பட்டன. 

சூரமங்கலம் உழவர் சந்தை, ஜங்ஷன் பகுதியில் பொதுமக்களுக்கு துண்டு பிரசுரங்களை அமைப்பு செயலாளர் சிங்காரம் தலைமையில் அ.தி.மு.க.வினர் வினியோகம் செய்ததுடன் திண்ணை பிரசாரத்திலும் ஈடுபட்டனர். இதில் அ.தி.மு.க. நிர்வாகிகள், தொண்டர்கள் உள்பட பலர் கலந்து கொண்டனர்.