எர்ணாகுளம்-பீகார் இடையே நாளை சிறப்பு ரெயில் இயக்கம்

ரயில்களில் ஏற்படும் கூட்ட நெரிசலைத் தவிர்க்கும் வகையில், முக்கிய வழித்தடங்களில் சிறப்பு ரயில்களை இயக்கி வரும் ரயில்வே நிர்வாகம், தற்போது போத்தனூர், திருப்பூர், ஈரோடு, சேலம் வழியாக பீகார் மாநிலம் பரவுனிக்கு சிறப்பு ரயில் இயக்குகிறது. எர்ணாகுளம்-பரவுனி சிறப்பு ரயில் (வண்டி எண் 06195) நாளை (சனிக்கிழமை) மாலை 4 மணிக்கு எர்ணாகுளத்தில் புறப்பட்டு, அலுவா, திருச்சூர், பாலக்காடு, போத்தனூர், திருப்பூர், ஈரோடு வழியாக இரவு 12.10 மணிக்கு சேலம் வந்தடைகிறது. அங்கிருந்து 12.13 மணிக்கு புறப்பட்டு, ஜோலார்பேட்டை, காட்பாடி வழியாக வருகிற 18-ந் தேதி காலை 7 மணிக்கு பரவுனி சென்றடையும் என சேலம் ரயில்வே கோட்ட அதிகாரிகள் தெரிவித்தனர்.